أهم الطرق والنصائح حول العناية بالشعر

أهم الطرق والنصائح حول العناية بالشعر

بسبب أسلوب حياتنا الحديث بيكون شعرنا معرض للتلف بسهولة، لهيك منقدم إلكم أهم النصايح عن طرق العناية بالشعر للحفاظ على شعر جميل، حيوي وصحي.

نصائح حول طرق العناية بالشعر

بيومنا العادي منعمل كتير شغلات بتكون سبب لضرر صحة شعرنا،
ولكن اتباعنا للنصائح التالية من شأنه أن يساعدنا في العناية بالشعر بصورة أكبر.

1- السيليكون

بيعطي كثافة بالحجم للشعر الرقيق
الشعر الرقيق والخالي من الحيوية بيجسد شكوى شائعة كتير ولكن قلة من النساء يلي بيعرفوا كيفية معالجة هذه المسألة.

ومن طرق العناية بالشعر، استخدام المنتجات يلي بتحتوي على السيليكون، ﻷنو السيليكون بيغطي الشعر بطبقة رقيقة من المادة وبتخلق مظهر أكثر اكتمال وجمال، من دون المظهر الدهني.

لما تستخدمي السيليكون اتركيه على الشعر حتى بعد غسله.

2- الأسماك والجوز

بيحافظوا على شعر صحي

نفس العناصر الغذائية يلي منعتبرها مفيدة للجسم كله، هي مفيدة كمان لنمو شعر صحي وأكثر قوة.


لهيك لازم تاكلوا سمك السلمون والجوز،ﻷنها غنية بالبروتين وأوميغا 3 يلي بتساعد على صحة فروة الرأس.

الخضروات الورقية، الجزر والفاصوليا
كمان كتير مفيدة بطرق العناية بالشعر ولبناء شعر قوي.

3- المياه الفاترة بتحمي لمعان الشعر

المياه السخنة كتير، بتجرد فروة الرأس من الزيوت يلي بتغذيها ويلي بتستخدمها فروة الرأس كمنعمات طبيعية وهاد بسبب اختفاء  البريق الطبيعي للشعر.

هاد لا يعني أنه عليكي تتحملي الاستحمام بالماء البارد، بس بدلًا من هيك، فيكي تستخدمي المياه الفاترة لغسل الشعر واحرصي على تدليك فروة الرأس أثناء غسل الشعر بالشامبو.

4- بيساعد البروتين على علاج الأطراف المتقصفة

إذا كنتي غالبًا ما بتستخدمي أدوات تصفيف الشعر الساخنة، مثل مجفف الشعر أو ملمس الشعر (babyliss)، فأنتي بتسببي بتلف الطبقة الخارجية يلي بتحمي الشعرة وهاد بيؤدي لتكون الأطراف المتقصفة.

بتلاقي بالسوق منتجات لتصفيف الشعر يلي بتساعد على إصلاح هاد التلف.

دوري عن طرق العناية بالشعر يلي بتحتوي على البروتين، فهية بتساعد على إصلاح الأطراف المتقصفة.
بس هي العملية تبقى فقط حتى غسل الشعر في المرة الجاية، ولهيك لازم تستخدميها بانتظام.

5- الشعر الممتلئ وراثياً

امتلاء الشعر هو نتيجة للوراثة وطرق العناية بالشعر يلي منتبعها.

الاشخاص ذوو الشعر الأحمر الطبيعي بيتمتعوا بشعر أكثر سمكًا، بينما بيمتلك الشقر عددًا أكبر من الشعر على الرأس بس كمان أقل سماكة.

لحسن الحظ، بتقدروا تزودو حجم الشعر بغض النظر عن لون شعركم الطبيعي.

استخدمي المنعم الجاف أو الموس لتصفيف الشعر وجففي جذور الشعر باﻷول.
اقلبي شعرك للأسفل أثناء التجفيف، من شان خلق حجم إضافي.
إذا كان شعرك رقيق كتير، استخدمي أقل درجة حرارة لمجفف الشعر أو أي أداة سخنة تانية.

6- بتعاني من قشرة الرأس؟ تجنبي الزيوت

قشرة الرأس بتكون ناجمة عن مشكلة في فروة الرأس.

تدليك فروة الرأس بالزيت بيخلي وضع شعرك يتفاقم بس.
أفضل حل إلك هوي استخدام الشامبو يلي بيحتوي على علاج لقشرة الرأس أو الشامبو يلي بيتم شراءه من دون وصفة طبية أو مع وصفة طبية.

اتركي الشامبو لمدة خمس دقائق لتتأكدي من امتصاصه في فروة الرأس ولازم تتأكدي إنك غسلتيه منيح.

7- التخلي عن مجففات الشعر يلي بتكون درجة حرارتها عالية

يمكن بتفكري أنو مجفف الشعر يلي درجة حرارتوا عالية بيوفر عليك شوية وقت من العناية الروتينية، بس استطلاع المستهلك فحص ووجد أن جميع مجففات الشعر بكل الطاقات بتجفف الشعر بنفس الوتيرة تقريبًا.

8- قللي من تمشيط الشعر

لا تصدقي الخرافة يلي بتقول أنه لازم تمشطي شعرك 100 مرة باليوم.

التمشيط المفرط بيخلي الشعر يتكسر.
وتساقط الشعر المعين هو طبيعي، ﻷنوا تقريبا معظم الناس بيفقدو بين 50-100 شعرة باليوم، هي الشعرات أنهوا مرحلة النمو ووصلوا الى مرحلة الراحة.

مشان تحفاظي على أدنى حد لتساقط الشعر، استخدمي فرشاة الشعر يلي بيكون بطرف الليف دائرة صغيرة  بتحمي فروة الرأس.
لا تقومي أبدًا بتمشيط الشعر الرطب، وبدل ما تستخدامي فرشاة الشعر استخدمي المشط.

9- احذري من تسريحات الشعر المشدودة كتييير

تسريحة الكعكة للشعر والضفائر هي وسيلة كتير حلوة لاظهار نظام حياتك.بس إذا كانت التسريحة مشدودة كتير، فاهالشي حيئدي لتكسر الشعر وتلف الجذور.

التسريحة الضيقة الدائمة كمان بتكوم سبب لتساقط الشعر.
افردي شعرك كل ليلة ولما تقومي بمساوة الضفائر، خليها فضفاضة شوي بمنطقة فروة الرأس.

10- لتغطية الشعر اﻷبيض، استخدموا لونًا ناعمًا

ما بيغير الشعر لونه بس كل ما تقدمنا​بالسن، كمان بيضعف وبينمو ببطء أكثر.

هاد يعني أنو قصة الشعر الجديدة ما بتنجح دائما بالتخلص من كل الشعر التالف.
إذا قمتي باستخدام المواد الكيميائية مثل الصبغات على شعر كبار السن، تأكدي من استخدام المواد الكيميائية الناعمة والضعيفة مشان تقليل الضرر.

11- تجنبي تغيير الألوان بشكل كبير

إذا كنتي سمرا ودائمًا بتحلمي بأنو تصيري شقرا، أو كنتي شقرا وبدك يكون شعرك غامق كتير.

انتبهي صبغة الشعر بلون مختلف جذريًا عن لونه الطبيعي بيزيد من خطر تلف الشعر.
بيوصي معظم أطباء الأمراض الجلدية بعدم تجاوز أكثر من ثلاث درجات عن لون الشعر الطبيعي.

12- احمي شعرك من أشعة الشمس

الشعر مو حساس كتير للشمس  مقارنة مع البشرة.
بس التعرض للشمس بيجفف الشعر، وخصوصًا إذا كان الشعر مصبوغ.

لهيك استخدمي رذاذ الشعر اللطيف يلي بيحتوي على عامل الوقاية الشمسي للحماية من أشعة الشمس، أو لبسي قبعة لما تكون الشمس قوية.