أحسن النصائح قبل بداية السنة الدراسية

أحسن النصائح قبل بداية السنة الدراسية

باقي أيام قليلة ومنستقبل العام الدراسي الجديد، وبيبدأ الأهل بتجهيز لوازم المدرسة من شناتي ودفاتر واقلام، لهيك في شوية نصائح لطلابنا مشان يبلشو بعام دراسي كلو نشاط وحيوية:

1- احرصوا يا طلابنا الاعزاء على تنظيم مواعيد النوم 

ﻷنو في كتير دراسات أشارت أنو فائدة النوم والاستيقاظ بكير، بتجدد خلايا المخ ﻷفضل حال مشان هيك لازم تبدئوا بتنظيم مواعيد النوم والاستيقاط المبكر،وكمان ممارسة شوية حركات رياضية لتنشطو  جسدكن على الحركة.

2- تفائلوا ببداية جديدة 

وبعدو عن الشعور السلبي برجعة تعب وعزاب الدراسة، وتفائلوا بالعودة لرفقاتكن والتعرف على رفقات جداد و أساتذة جداد كمان، وخلوا عندكن حماس للمعلومات الجديدة يلي حتدرسوها.

3-احرصوا يا طلابنا على تنظيم وقتكن

ﻷنو الوقت من أهم عوامل النجاح، وحاولوا استغلال قدراتكن وطاقتكن من أول العام الدراسي يعني نظم وقتك بين دراسة ومذاكرة وراحة.

4- جدول لتنظيم الدراسة

احرصوا على عمل جدول للدراسة من أول يوم بالمدرسة،مشان ما تتراكم عليكم الدروس وتحسو بالمملل والإحباط بأخر السنة.

5-لا تفضل مادة عن مادة تانية 

لا تتركوا مادة وحدة تسيطر على دراستك، بحجة إنها سهلة أو إنها المادة يلي بتحبها، حاولوا أنو توازنو بين كل المواد.

6- تجنبوا أخطاء السنة الماضية

استرجعوا أخطاء السنة الماضية واحرصوا إنوا ما ترجعو توقعو فيها،ولازم تفكرو بحلول لمعالجتها وتوصلو لنتيجة أحسن من السنة الماضية.

7- تعلموا شغلات جديدة

لاتخلو الدراسة بس مشان تاخدو علامات عالية بأخر الفصل،
اندمجو بالأنشطة الرياضة والاجتماعية، لتتعلموا مهارات وخبرات حياتية جديدة.

8- لا تتكاسلوا 

لازم تضلو مستمرين بالإجتهاد وما تتكاسلو أبدا بنصا فترة الدراسة، مشان مايضيع مجهودكن يلي حققتو بالأول وتنجحو.

9- لازم تاكلو أكل صحي

من الشغلات المهمة مشان يكون عندكن طاقة لتقدرو إنكن تدرسو منيح بالمذاكرة، لازم تراقبو أكلكن، مشان هيك لازم تبعدو عن اﻷكل الضار للجسم، والتزموا بمأكولات طبيعية، وعصائر طبيعية، بساعدكن هاد الشي على يوم دراسي نشيط.

10- عملو لحالكن مكافئة

من المهم إنك تشجعو حالكن عالاستمرار والتقدم، فاحرصوا إنو إذا كتبت وظايفك ومهامك الدراسية، كافئ حالك بالشي يلي بتحبو.